صدور كتابي : أسرار حي أول

السلام عليكم ورحمة الله
يسعدني إعلان صدور كتابي الأول في معرض القاهرة الدولي للكتاب القائم حاليا..
وهو مجموعة قصصية من أدب الفانتازيا بعنوان "أسرار حي أول".

ايه اللي يحصل لو جزء من المدينة اللي انت عايش فيها بقى موجود فوق الجزء التاني في السماء مقلوب بحيث الناس يبقوا شايفين بعض تمامًا؟
ده اللي حصل لما نيزك ضرب كوكب الأرض ، كان من المفترض انه يدمر العالم لكنه اصطدم بطنطا اللي في كان فيها في موضع الاصطدام تمامًا شق أرضي عميق مهمَل امتص قدر كبير من قوة النيزك فمحصلش تدمير ولكن حصلت ظاهرة عجيبة وهي انه اقتلع حي أول كله من عمق الكرة الأرضية وقلبه في السماء ..
الناس توقعت انه هيطير للفضاء لكن بطريقة ما خضع للجاذبية الأرضية مع بعض التنافر المغناطيسي لوجود جاذبيته الخاصة من نواة الكرة الأرضية..
صار المجتمع مكشوفًا بشكل غير مسبوق.. اللي يمدد جسمه على سطح منزله مبقاش يشوف النجوم لكن يشوف الأضواء في الحي الآخر والسيارات بتتحرك في الشوارع والناس في البلكونات..
وفي ظل الظروف دي بتحصل قصص غريبة في ترابط خفي ما بينها.. جرائم قتل ، هزار عفاريت ، أيادي تتكلم ، جمادات لها إرادة ، كلاب تبحث عن أصحابها ، شخص يعيش حياتين منفصلتين بروح واحدة ، الرجوع في الزمن وأشياء أخرى.
الكتاب صغير الحجم حوالي 100 صفحة.. من إصدارات دار البشير وموجود حاليا في معرض الكتاب قاعة2 / C38