(التحكم في الأحلام)
زمان كنت بحب اقرأ مجلة علاء الدين، أطفال بقى ماحنا كنا أطفال..
وكان فيها باب جميل مبدع بيسأل كل أسبوع سؤال خيالي واحنا نبعت الإجابات وينشروها بعد عددين أو تلاتة..
السؤال اللي انا فاكره كويس: ماذا لو صحيت من النوم اكتشفت إن كل حياتك كانت حلم وانك لسه عايش في العصر الحجري؟
طبعا كان في ردود تحفة ونكت وكاريكاتير أب يقول لابنه (مش قلت لك ما تتقلش من لحم الديناصورات في العشا!)
سؤالي بقى: ماذا لو اكتشفت انك بتحلم دلوقت وحاولت تخرج من حلمك معرفتش؟
انت عايش حياة كاملة كلها كذب كلها من عقلك الباطن وانت متأكد من ده بل انت كمان تقدر تتحكم فيها يعني تخلي العربيات تطير والسما تمطر عصافير..
بس انت مش مبسوط، مجهد جدا عايز تصحى وترجع لحياتك الطبيعية..
في الحقيقة إن ده مش خيال اوي.. في ناس فعلا بيعانوا من الموضوع ده.. الناس دول عندهم قدرة خاصة اسمها الحلم الجلي أو الصافي أو الواعي lucid dream
ودي بتبقى موهبة غالبا لكن برضو لو حد مش موهوب حتى لو ما بيحلمش خالص يقدر يتمرن عليها بتقنيات مختلفة بس التدريب ممكن ياخد أسابيع أو شهور حسب استجابة الشخص..
في البداية بتبدأ تسجل أحلامك أول ما تصحى في كراسة أو الموبايل، كل يوم كل يوم، لحد ما قدرتك على تذكر الحلم بتزيد شوية بشوية وبتكون أكثر وعيا بتفاصيل الحلم ولون الحيطان وهكذا..
وبتمارس تقنيات بتخليك تقدر تتأكد إذا كنت بتحلم ولا صاحي من أشهرها :
-اضغط إبهامك للداخل لو دخل يبقى أكيد بتحلم
-عد صوابعك لو طلعوا مظبوطين عد تاني لو بتحلم أكيد أكيد هيطلع عندك صوابع زيادة أو ناقصة.
-جرب تعمل اي عملية حسابية بسيطة لو عجزت تبقى بتحلم
وهكذا تقنيات أكيدة وانا هنا مش قاصد أعرفك الطريقة لأن لها متخصصون دي مجرد فكرة عامة..
المشكلة ان بعض الناس اللي عندهم موهبة قوية في الأحلام الجلية وبيقدروا مش بس يعي انه بيحلم لكن كمان يقدر يتحكم في عناصر حلمه ويحلم بحاجات معينة هو خطط لها قبل النوم، بعضهم بيعاني زي ما قلت من معضلة انه عايز يصحى ومش عارف لدرجة انهم بيتمنوا زوال الموهبة اللي بيتمناها بشر كتير عنهم..
وللتوضيح: مش معنى انهم مش بيعرفوا يصحوا انهم بيموتوا أو بيتحبسوا في الحلم للأبد، لا هما بيصحوا عادي بس الوقت في الحلم بيعدي ببطء شديد كما هو معلوم..
في طبعا ناس هيقولوا الكلام ده كله هبل وعندهم حق في شكهم الإنسان عدو ما يجهل
لكني شخصيا مصدق لأني جربت بنفسي واتحكمت جزئيا في حلمي أكثر من مرة، ما وصلتش لمرحلة الإتقان
زمان كنت بحب اقرأ مجلة علاء الدين، أطفال بقى ماحنا كنا أطفال..
وكان فيها باب جميل مبدع بيسأل كل أسبوع سؤال خيالي واحنا نبعت الإجابات وينشروها بعد عددين أو تلاتة..
السؤال اللي انا فاكره كويس: ماذا لو صحيت من النوم اكتشفت إن كل حياتك كانت حلم وانك لسه عايش في العصر الحجري؟
طبعا كان في ردود تحفة ونكت وكاريكاتير أب يقول لابنه (مش قلت لك ما تتقلش من لحم الديناصورات في العشا!)
سؤالي بقى: ماذا لو اكتشفت انك بتحلم دلوقت وحاولت تخرج من حلمك معرفتش؟
انت عايش حياة كاملة كلها كذب كلها من عقلك الباطن وانت متأكد من ده بل انت كمان تقدر تتحكم فيها يعني تخلي العربيات تطير والسما تمطر عصافير..
بس انت مش مبسوط، مجهد جدا عايز تصحى وترجع لحياتك الطبيعية..
في الحقيقة إن ده مش خيال اوي.. في ناس فعلا بيعانوا من الموضوع ده.. الناس دول عندهم قدرة خاصة اسمها الحلم الجلي أو الصافي أو الواعي lucid dream
ودي بتبقى موهبة غالبا لكن برضو لو حد مش موهوب حتى لو ما بيحلمش خالص يقدر يتمرن عليها بتقنيات مختلفة بس التدريب ممكن ياخد أسابيع أو شهور حسب استجابة الشخص..
في البداية بتبدأ تسجل أحلامك أول ما تصحى في كراسة أو الموبايل، كل يوم كل يوم، لحد ما قدرتك على تذكر الحلم بتزيد شوية بشوية وبتكون أكثر وعيا بتفاصيل الحلم ولون الحيطان وهكذا..
وبتمارس تقنيات بتخليك تقدر تتأكد إذا كنت بتحلم ولا صاحي من أشهرها :
-اضغط إبهامك للداخل لو دخل يبقى أكيد بتحلم
-عد صوابعك لو طلعوا مظبوطين عد تاني لو بتحلم أكيد أكيد هيطلع عندك صوابع زيادة أو ناقصة.
-جرب تعمل اي عملية حسابية بسيطة لو عجزت تبقى بتحلم
وهكذا تقنيات أكيدة وانا هنا مش قاصد أعرفك الطريقة لأن لها متخصصون دي مجرد فكرة عامة..
المشكلة ان بعض الناس اللي عندهم موهبة قوية في الأحلام الجلية وبيقدروا مش بس يعي انه بيحلم لكن كمان يقدر يتحكم في عناصر حلمه ويحلم بحاجات معينة هو خطط لها قبل النوم، بعضهم بيعاني زي ما قلت من معضلة انه عايز يصحى ومش عارف لدرجة انهم بيتمنوا زوال الموهبة اللي بيتمناها بشر كتير عنهم..
وللتوضيح: مش معنى انهم مش بيعرفوا يصحوا انهم بيموتوا أو بيتحبسوا في الحلم للأبد، لا هما بيصحوا عادي بس الوقت في الحلم بيعدي ببطء شديد كما هو معلوم..
في طبعا ناس هيقولوا الكلام ده كله هبل وعندهم حق في شكهم الإنسان عدو ما يجهل
لكني شخصيا مصدق لأني جربت بنفسي واتحكمت جزئيا في حلمي أكثر من مرة، ما وصلتش لمرحلة الإتقان
تعليقات
إرسال تعليق